Rwĩmbo rwa kũgooca
1 Inĩraai MWATHANI inyuĩ andũ oothe a thĩ!
2 Thaathayai MWATHANI mũcanjamũkĩĩte;
ũkaai mbere yake mũkĩinaga mũkeneete!
3 Menyaai atĩ MWATHANI nĩ Ngai;
nĩ we watũũmbire, na tũrĩ aake;
tũrĩ andũ aake, na ng’ondu iria arĩithagia
4 Toonyeraai ihingo cia Hekaarũ yake mũrĩ na ngaatho
thiĩi njainĩ ciayo mũkĩgoocaga.
Mũcookeriei ngaatho na mũmũgooce.
5 Nĩ gũkorwo MWATHANI nĩ mwega;
wendo wake ndũrĩ hĩndĩ ũgaathira
na wĩhokeku wake ũgũtũũra nginya tene na tene.