Gũtaarĩria
Amosi nĩ mũnabii wa mbere thĩinĩ wa Mbaimbũ ũrĩa ndũmĩrĩri ciake ciandĩkĩĩtwo na njĩra ndikĩru. Amosi aaciarĩirwo itũũrainĩ rĩmwe rĩa bũrũri wa Juda, no aahunjagĩria andũ a Ũthamaki wa na rũgongo wa Isiraeli ta mĩaka 750 mbere ya gũciarwo kwa Jesũ Kristũ. Mahinda macio bũrũriinĩ kwarĩ na ũthii wa na mbere mũingĩ, ũndini, o na ũgitĩri. No rĩĩrĩ, Amosi oonaga atĩ ũthii ũcio wa na mbere warũmbũyanagia na ũtonga ũrĩa wacaragio na njĩra itarĩ cia kĩhooto na cia kũhinyĩrĩria andũ arĩa athĩĩni. Ningĩ oonaga atĩ ũndini wao ndwoimaga ngoro thĩinĩ, na ũgitĩri wa bũrũri warĩ wa igũrũ igũrũ tu. Amosi nĩahunjagia na ũcamba na kĩyo kĩnene atĩ Ngai nĩerekeire kũherithia rũũrĩrĩ ruothe. Oigaga, “Rekeei waragania ũtherere o ta maaĩ naguo ũthingu o ta rũũĩ rũrĩa rũtahũaga” (5.24). Ningĩ nĩacookeete akoiga atĩ kũngĩĩkwo ũguo, “No gũkorwo MWATHANI Ngai Mwene Hinya Wothe nĩekũiguĩra tha andũ arĩa matigarĩĩte muoyo a nyũmba ya Josefu” (5.15).
Maũndũ marĩa marĩ ibukuinĩ rĩĩrĩ
Matua makoniĩ ndũũrĩrĩ iria ihakaine na Aisiraeli 1.1–2.5
Matua makoniĩ Aisiraeli 2.6–6.14
Cioneki ithaano 7.1–9.15