Ihooya rĩa kũũria kũgitĩrwo kuuma harĩ thũ
1 Honokia, Ngai, na rĩĩtwa rĩaku;
ndeithũra na hinya waku.
2 Igua ihooya rĩakwa, Ngai;
thikĩrĩria ciugo ciakwa.
3 Nĩnjũkĩrĩirwo nĩ andũ etĩĩi;
andũ ooru matarũmbũyanagia na Ngai nĩmarenda kũnjũraga.
4 No rĩĩrĩ, Ngai nĩ we mũũndeithia;
MWATHANI nĩ we mũngitĩri.
5 Arohũũra thũ ciakwa na ũũru wacio
na aciniine nĩ ũndũ we nĩ mwĩhokeku.
6 Na niĩ nĩndĩrĩkũrutĩra igongoona ngeneete, wee MWATHANI;
nĩndĩrĩgũcookeria ngaatho nĩ ũndũ we wĩ mwega.
7 Nĩ ũndũ nĩũhonokeetie kuuma mathĩĩnainĩ moothe,
na ũkareka nyone thũ ciakwa ihootekeete.